Համազգայինի Լիբանանի Շրջանային վարչութեան կազմակերպութեամբ, Հինգշաբթի, 4 Յունուար 2018-ին, երեկոյեան ժամը 8:00-ին, Սրբոց Վարդանանց եկեղեցւոյ մէջ Համազգայինի «Կարկաչ» երգչախումբը ներկայացուց «Սուրբ Ծննդեան խորհուրդը» օրաթորիայի անդրանիկ կատարումը` խմբավարութեամբ Զաքար Քէշիշեանի եւ դաշնակահար Լիանա Յարութիւնեանի:
Գեղարուեստական ղեկավար եւ խմբավար Զաքար Քէշիշեանը ներկայացման սկիզբը բարի գալուստի խօսք արտասանեց եւ իր մաղթանքները տուաւ Նոր տարուան եւ Ս. Ծննդեան տօներուն առիթով:
«Կարկաչ»-ի համերգի առաջին բաժինը բաղկացած էր հետեւեալ երգերէն` «Կարկաչ», «Պէյրութ», «Թալժ, թալժ», «Սանթա Քլոզ իզ քամինկ թու թաուն», «Ուեն տը սէյնթս կօ մարչինկ ին», «Քում պա եա»: «Սայլընթ նայթ» երգին ֆլիւթով միացաւ «Կարկաչ»-ի նախկին սաներէն եւ «Բարսեղ Կանաչեան» երաժշտանոցի նախկին ուսանողներէն Թամար Էսքենեան:
