«Գ. Իփէկեան» թատերախումբ

Համազգայինի Գասպար Իփէկեան թատերախումբի պատմականը

1941-ին, իբրեւ Համազգայինի Պէյրութի մասնաճիւղի նախագահ, Գասպար Իփէկեան կը նախաձեռնէ «Համազգայինի Թատերասէրներու Միութեան» կազմութեան, որուն նպատակն էր թատերական արուեստի վերահաստատումը եւ տարածումը հայ գաղութներու մէջ։ «Համազգայինի Թատերասէրներու Միութեան» անդրանիկ ներկայացումը Լ. Շանթի «Ինկած բերդի իշխանուհին»  էր, 1942-ին։

1952-ին կը մահանայ Գ. Իփէկեան։ Համազգայինի թատերասէրներու խումբը յաւերժացնելու համար իր ղեկավարին յիշատակը՝ «Համազգայինի Թատերասէրներու Միութիւնը» կþանուանէ Համազգայինի «Գասպար Իփէկեան» թատերախումբ, որ ցարդ կը կոչուի նոյն անունով։